Stephan Joubert is ’n teoloog, predikant, bekroonde skrywer en gesinsman. Hy staan aan die hoof van ekerk, ’n Afrikaanse virtuele geloofsgemeenskap wat mense regoor die wêreld deur digitale bediening bereik. Hy is ’n rubriekskrywer vir Beeld en JUIG! en dien ook as buitengewone professor aan verskeie universiteite. Die Boodskap, ’n moderne vertaling van die Bybel wat hy saam met Jan van der Watt onderneem het, is een van die hoogtepunte in sy lewe. Stephan het baie boeke geskryf, onder andere Jesus – ’n radikale sprong, wat in 2010 met die Andrew Murray-prys bekroon is. Hy het reeds meer as 55 titels gepubliseer en meer as 200 000 boeke verkoop.