Op Donderdag 27 Augustus 2026 om 19:00 word die groot Boland-saal by ATKV Goudini omskep in die ruimte vir ’n professionele musiekproduksie en stylvolle verskeidenheidskonsert. Saam in Lof is ’n volwaardige verhoogproduksie met lig, klank, skerms en ’n volledige tegniese opstelling, aangebied deur ’n ervare span. Die produksie word as ’n geleentheid op sy eie hanteer en sal later vir televisie uitgesaai word op die ViaTV-kanaal (DSTV). Die program fokus uitsluitlik op musiek: ’n vloeiende musikale ervaring wat vir die wyer publiek, wat dit later op televisie kyk, innooi om deel te voel van die spesiale geleentheid. Die produksie bring verskeie kunstenaars saam, elk met hul eie bydrae, asook samewerkingsmomente wat die gedagte van “saam” konkreet laat gestalte kry. As afsluiting van die Predikante SAAMkoms dien SAAM IN LOF as ’n viering: ’n oomblik waar woorde plek maak vir klank, waar verskillende stemme saamvloei, en waar ’n gemeenskap wat vir dae saam gedink, gesels en gedroom het, uiteindelik saam afsluit.