In hierdie interaktiewe sessie wys Nico Simpson hoe AI as ’n denkmaat en terugvoer-instrument gebruik kan word om jou werk vinnig te evalueer en te verbeter. Die fokus is nie op tegnologie nie, maar op hoe leiers duideliker doelwitte kan stel, hul werk eerlik kan toets en vinniger kan leer uit wat hulle doen.

Deelnemers ontdek hoe eenvoudige raamwerke soos Objectives and Key Results (OKR’s) help om fokus te skep, en hoe AI kan help om praktiese terugvoer te gee op dinge wat ons reeds maak, soos ’n webblad, ’n uitnodiging, ’n e-pos, ’n projekidee of selfs ’n preek.

Die doel is om ’n eenvoudige werkritme te ontdek waarin leiers hul idees kan toets, aanpas en weer probeer sonder groot prosesse of wagtye.

Teen die einde van die sessie sal jy:

• beter verstaan hoe om jou bediening se doelwitte helder te formuleer

• sien hoe AI vinnige en eerlike terugvoer kan gee op jou werk

• praktiese idees hê om idees vinniger te toets en te verbeter

Hierdie sessie is vir leiers wat baie idees het, maar groter fokus, leer en momentum in hul bediening wil skep.

Die kernidee van die sessiev Die krag van AI lê nie daarin dat dit vir jou werk doen nie, maar dat dit jou help om jou eie werk vinnig te evalueer.

Leiers bring iets wat hulle geskep of gedoen het uit hul bediening, byvoorbeeld:

’n webblad

’n e-pos of nuusbrief

’n afkondiging

’n projekidee

’n preek

’n gemeente-uitnodiging

’n fondsinsamelingsboodskap

Hierdie voorwerp word dan getoets teen ’n duidelike doelwit.

Hierdie hele benadering is ontwerp om leiers met nuwe idees te bemagtig: mense wat iets wil begin of verken, maar nie altyd weet waar om te begin of hoe om die eerste tree te neem nie.