Kom ervaar ’n oomblik van diep rus en verstilling saam met ander deur middel van klankmeditasie. Siegfried Louw gebruik ’n verskeidenheid instrumente, veral singende bakke, wat ’n sagte, beierende klank skep wat aan kerkklokke herinner.

Tydens die meditasie anker ons onsself in ’n Lukas-teks, terwyl die klanke help om die liggaam te ontspan en die gedagtes stil te maak.

Hierdie sessie bied ’n eenvoudige ruimte vir rus, luister en gebed — waar klank en Skrif saam ’n pad van refleksie en innerlike stilte oopmaak.