Skriflesing: Johannes 8:32 — “Toe het Jesus vir die Jode wat Hom geglo het, gesê: “As julle in my woord bly, is julle waarlik my dissipels, en julle sal die waarheid ken, en die waarheid sal julle vry maak.”

Gebed: Here, laat waarheid, deursigtigheid, aanspreeklikheid en ’n wettige proses in elke deel van die voorbereiding vir die verkiesing en in die uitslag seëvier. Dit is tot vryheid dat U ons vrygemaak het: bevry ons nasie van elke juk van onderdrukking, onbekwame en selfsugtige leierskap en die slawerny van armoede. Maak ons los van onreg en swak regering en bind ons aan U waarheid en goeie leierskap.

Geloofsverklaring: Ons verklaar in geloof dat waarheid vryheid bring. Jesus is die Weg, die Waarheid en die Lewe: ons spreek die naam van Jesus uit oor elke OVK-amptenaar, kieser, raadslid-kandidaat en die hele verkiesingsproses! Ons verklaar dat die wagte by die poorte van elke munisipaliteit en metro geplaas moet word om enige daad van wangedrag en manipulasie bloot te lê! Die Lig van God het gekom om elke daad van duisternis bloot te lê.