Skriflesing: Efesiërs 6:10-11 — “Ten slotte: Vind jou sterkte in die Here en in sy geweldige krag. Trek die volle wapenrusting van God aan sodat julle staande kan bly teen die listighede van die Duiwel.”

Gebed: Here, versterk gelowiges om te waak teen verdeeldheid, haat, vrees, korrupsie en geestelike blindheid. Ons bid vir die veiligheid van alle
raadskandidate en fluitjieblasers, sodat geen bloed vergiet sal word nie. Ons staan teen elke sluipmoordpoging in Jesus se Naam. Ons bid die beskerming van Christus self oor elke raadslid en hul gesinne. Beskerm U regverdige mense op bonatuurlike wyse en beskut hulle in die skaduwee van U vlerke.

Geloofsverklaring: Ons verklaar in geloof dat ons sterk is in die Here en in Sy groot mag. Hy wat in die skuilplek van die Allerhoogste woon, sal rustig vertoef in die skaduwee van die Almagtige!