Skriflesing: Matteus 5:6 — “Gelukkig is dié wat honger en dors na geregtigheid, want hulle sal versadig word.”

Skriflesing: Spreuke 14:34 — “Geregtigheid verhoog ‘n nasie, maar sonde is ‘n skande vir volke.”

Gebed: Vader, gee die inwoners van ons land, ons leiers, kandidate, en gemeenskappe ‘n ware honger vir regverdigheid en geregtigheid. Here, reinig ons motiewe, ambisies en verwagtinge, sodat dit volkome in lyn kan wees met U wil. Reinig ons harte, sodat ons met ’n aangename reuk voor U kan staan. Mag U woord ‘n lamp vir ons voete en ‘n lig vir ons pad wees. (Psalm 119:105)

Geloofsverklaring: Ons verklaar in geloof dat geregtigheid in Suid-Afrika sal seevier. Ons is ‘n volk wat honger en dors na geregtigheid is. Suid-Afrika is ‘n regverdige nasie wat die waarheid bewaar (Jesaja 26:2), en U woord sal ons leidende waarheid wees.