Vanjaar se tema is ‘U het my volmaak geskape’. Die program is saamgestel deur vroue van die Cook-Eilande.

Wêreldbiddag vir Vroue word vanjaar op 7 Maart gehou.  Die Wêreldbiddag vir Vroue is ‘n wêreldwye ekumeniese beweging van Christenvroue, -mans en -kinders van verskillende lande wat elke jaar op die eerste Vrydag in Maart vergader om ‘n besondere dag van gebed te vier. Tydens die Wêreldbiddag vergader gelowiges van verskillende rasse, kulture en kerke, om saam te bid, ons voor God te verootmoedig en vir mekaar in te tree.  Internasionaal word die Wêreldbiddag reeds vanaf 1887 gevier. Die dag word tans in meer as 170 lande op al 7 kontinente gehou. In Suid-Afrika is dit die 95^ste jaar wat ons deel is hiervan. Die program word in nege van die amptelike tale vertaal.  

Hier is hulpmiddels wat gemeentes en gebedsgroepe kan help met die samestelling van ’n program. Dit bly ’n besondere geleentheid om te weet dat vroue regoor die wereld in lande op hierdie dag rondom ’n bepaalde tema in gebed verenig. Vanjaar se tema herinner aan die kosbaarheid van God se skepping en in besonder, die mens!

Lees gerus ook die berig deur Kerkbode oor vanjaar se gebedsgeleentheid