Die kerke van Suid-Afrika beplan ’n groot versoeningsveldtog saam met organisasies wat die leiers van die jeugopstande van 1976 en die diensplig-generasie verteenwoordig. Die tema, na aanleiding van Psalm 98, is: Sing ’n nuwe (Suid-Afrika) lied! Op 16 Junie word die Soweto-opstand van 1976 herdenk. Kerkleiers wil dié belangrike simboliese geleentheid gebruik word om ’n proses van versoening en heling te begin wat deurloop tot op Versoeningsdag op 16 Desember.
Die kerke neem eienaarskap van die proses om kaping deur politieke groepe te voorkom. Om hierdie rede word die geleentheid op Sondag die 11 Junie deur die kerke gehou. Die geleentheid sal plaasvind by die groot stadion in Soweto. Verskeie belangrike persone uit die vermaaklikheidswêreld en sport word genooi. Daar word verskeie aktiwiteite beplan. Die volledige memorandum van vier bladsye wat na Afrikaanse kerke gestuur is, verskyn op die NG Kerk se webwerf by www.ngkerk.org.za.
Op die aangehegde videoclips vertel kol Jan Malan en dr Kobus Gerber meer oor hierdie belangrike geleentheid.
Klik hier vir die video van dr Kobus Gerber
Klik hier vir die video van kol Jan Malan
Groete
Dr Gustav Claassen
Algemene Sekretaris / General Secretary
